Plantun de Prouvènço

Pèr coumpara dos planto d'encò nostre

Glaucium corniculatum & Grimmia orbicularis

Glaucium corniculatum

Papaveraceae

Noms en français : Glaucienne écarlate, Pavot cornu.

Descripcioun :
Vaqui uno planto di flour roujo, cousino de l'erbo-di-faiòu di flour jauno, que se vèi pu gaire ; fai partido dis espèci amenaçado. Coume l'avèn di sèmblo proun à Glaucium flavum, fai de flour roujo, un pau mai pichoto e que duron pas gaire. I'a pas pèr s'engana. Se d'asard la vesès, pensas d'acampa quàuqui grano pèr li samena dins de mémi relarg. Davans, sus la fotò, se vèi l'erbo-uvernino.

Usanço :
Bessai que, coume sa cousino, lou la que s'escoulo à la coupo pòu servi contro li berrugo.

Port : Erbo
Taio : 15 à 40 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Glaucium
Famiho : Papaveraceae

Ordre : Ranunculales

Coulour de la flour : Roujo
Petalo : 5
Ø (o loungour) flour : 2,5 à 3,5 cm
Flourido : Printèms - Estiéu

Sòu : Ca
Autour basso e auto : 0 à 400 m
Aparado : Vo
Abriéu à óutobre

Liò : Ermas - Coustiero sablouso - Coustiero marlouso
Estànci : Termoumediterran à Mesoumediterran
Couroulougi : Eurimediterrano
Ref. sc. : Glaucium corniculatum (L.) Rudolph, 1781

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.